恒傳感言

恒大 恒傳感言 SCOM Talk Show ep21: 曾鈺成先生 Mr Jasper Tsang

「年輕人要有迎難而上嘅勇氣,更要有知所進退嘅智慧。」

恒大傳播學院訪談節目 《恒傳感言》邀請到立法會前主席曾鈺成 Jasper Tsang Yok Sing 大談中央及香港政府近年對港政策以及佢對香港教育嘅看法。佢認為特區政府要確切回應社會訴求,重燃下一代希望,先可以化解矛盾。另外,佢希望年輕人唔好成為「目標嘅奴隸 」,緊記要捉緊追夢期間出現嘅任何機會!一齊嚟睇下曾先生嘅故事丫!

恒大 恒傳感言 SCOM Talk Show ep20: 鄭慕智博士 Dr Moses Cheng

「世上沒有童話式的成功,你要靠自己努力,一步步踏實去做,並且好好裝備自己,等機會來到的時候好好抓緊,才有機會進一步發展。」

恒大傳播學院訪談節目《恒傳感言》邀請到身兼香港恒生大學(恒大)校務委員會主席及保險業監管局主席鄭慕智博士為香港把脈,分析保險業前景以及大談佢對年輕人現況嘅睇法。鄭博士擔任無數公職,而佢認為最有意義嘅就係投身教育界為社會出一分力。喺佢同年輕人相處嘅過程中,佢認為年輕人對社會雖有不滿,但大家應該將不滿轉化為動力,從而作出改變,你地又點睇呢? 一齊黎聽下鄭博士嘅分享啦!

恒大 恒傳感言 SCOM Talk Show ep19: 傅家俊先生 Mr Marco Fu

「我覺得成功與失敗只係字詞。從成敗中學習,就有機會將失敗變成下次成功嘅黃金機會;反之成功嘅時候你忘記左檢討自己,將來都有機會失敗。」

恒大 傳播學院 訪談節目 《恒傳感言》邀請到香港職業桌球手、有「神奇小子」之稱嘅傅家俊 先生分享佢對於桌球運動 普及化嘅見解同佢自己嘅職業生涯嘅經歷。佢自小熱愛打桌球,年紀輕輕嘅時候已經走上職業桌球手之路,屢獲殊榮,但幾年前因眼疾而休戰,佢係點樣面對逆境呢?為左培訓新一代桌球手而成立全港首間兒童桌球學校,佢又點睇桌球運動普及化呢?即刻睇下Marco嘅分享啦!

恒大 恒傳感言 SCOM Talk Show ep18: 李樂詩博士 Dr Rebecca Lee

「人一生必定會經歷挫折,最重要係經得起風浪。憑著毅力、堅持同充足準備,先可以一步一步實現夢想。」

恒大傳播學院訪談節目《恒傳感言》邀請到極地博物館基金 Polar Museum Foundation 創辦人李樂詩博士分享佢對全球暖化問題同環保教育嘅睇法。李博士好細個嘅時候已經夢想環遊世界,憑著努力同不斷裝備自己,佢成為全球首位踏遍地球三極嘅女探險家,更四度登上世界之巔珠穆朗瑪峰。佢親眼目堵地球每況愈下,亦矢志為地球出一分力。即刻睇下李博士嘅分享啦!

恒大 恒傳感言 SCOM Talk Show ep17: Vivek Mahbubani

「《The Art of the Start》一書中有句說話,『Make meaning, not money』。呢句說話教我地要為人生創造意義,而唔只係賺錢。當自己覺得有意義,自然會吸引到同你有相同想法,願意支持你嘅人。」

恒大傳播學院訪談節目《恒傳感言》邀請到著名印度裔棟篤笑藝人 Vivek Mahbubani 分享佢點樣透過棟篤笑細看人生。佢源源不絕嘅創作靈感取材自日常生活,而土生土長印度裔香港人呢個身份,更加為佢帶來不少笑料!喺大學畢業後,阿V曾確診淋巴癌,抗癌經歷令佢明白人生要抓緊機會同時間,佢深信,今日嘅艱苦經歷定必成為每個人嘅獨特故事,他日可以自豪地同人分享。即刻睇下阿V嘅分享啦!

恒大 恒傳感言 SCOM Talk Show ep16: 黃金寶先生 Mr Wong Kam-po

「 與其裹足不前,不如親身體驗,等經驗話你知咩係成功同失敗,從追夢嘅過程之中學習享受同欣賞自己以及他人。」

恒大傳播學院訪談節目《恒傳感言》邀請到前香港單車代表隊運動員黃金寶分享佢嘅人生故事同對香港職業運動員發展嘅睇法。黃金寶曾三奪亞運會單車賽金牌,被譽為「亞洲車神」,退下戰線後經歷多次轉型。面對事業同人生嘅高山低谷,佢認為比起成就,保持正面謙卑嘅心態更為重要。即刻睇下黃金寶嘅分享啦!

恒大 恒傳感言 SCOM Talk Show ep15: 袁天凡先生 Mr Francis Yuen Tin-fan

「年輕人要有夢想。既然要『發夢』,就要發個大啲嘅夢。目光遠大一點,夢大一點,先會有機會成功。」

恒大傳播學院訪談節目《恒傳感言》邀請到盈科亞洲拓展有限公司獨立非執行副主席袁天凡先生拆解香港局勢,剖析中美角力,以及分享佢對年輕人嘅睇法。佢認為雖然中美角力「雷聲大雨點小」,但係香港喺兩國之間更要認清自己優勢同缺點,鞏固國際金融地位。而袁先生一直不遺餘力支持教育,佢又鼓勵年輕人要多角度思考,將所面對嘅挑戰變成推動力,放眼未來。即刻睇下袁天凡先生嘅分享啦!

恒大 恒傳感言 SCOM Talk Show ep14: 高永文醫生 Dr Ko Wing-man

「不論你係『黃』、『藍』定係『綠』陣營,行醫者醫治病人時應不分種族、不分政見、一視同仁,絕不可將病人利益置之不理。」

恒大傳播學院 訪談節目《恒傳感言》邀請到前食物及衛生局局長高永文醫生 分享佢工作生涯嘅故事同佢對兩地醫療體制嘅看法。由骨科醫生到領導 食衛局、亦曾為對抗 沙士及改革醫療系統出謀獻策,佢嘅人生經歷又有咩特別故事?佢對現今醫療系統、本港抗疫工作,以致醫護人員嘅培訓又點睇呢?即刻睇下高永文醫生嘅分享啦!

恒大 恒傳感言 SCOM Talk Show ep13: 張仁良教授 Professor Stephen Cheung

「現時大學學位就如一張社會『入場券』,將競爭變相延至畢業後。喺呢個年代嘅年輕人更應自我增值、終身學習,把握每個機遇。」

恒大傳播學院訪談節目《恒傳感言》邀請香港教育大學校長張仁良教授分享佢對現今香港教育所面對嘅挑戰同老師嘅條件以及責任。佢表示時代改變令老師唔再擁有以往嘅權威,面對嘅挑戰亦愈黎愈大。相比起學術能力,良好態度、愛心耐性更為重要,而且仲係作為老師嘅必要條件添!而現時大學教育由精英制變為普及化,佢寄語畢業生要因應社會需求不斷學習,把握好每個機會。即刻睇下張仁良教授嘅分享啦!

恒大 恒傳感言 SCOM Talk Show ep12: 鄭丹瑞 Lawrence Cheng

「人生必定有高低起跌,有趣嘅係,每個低谷都係寶藏。低谷帶俾你嘅回報,與高峰時所得嘅不遑多讓。」

恒大 傳播學院 訪談節目《恒傳感言》邀請到跨媒體文化人鄭丹瑞 同大家分享佢嘅創作經歷同人生故事。佢投入演藝界數十年以來一直堅持「人做我唔做,殺出條血路」,不斷求變,勇於面對 挑戰。佢從小受父親嘅影響至為深遠,謹記父親叮囑自己要「做好一個人」,佢亦教導演藝界學員「先學做人,再學演戲」。即刻睇下鄭丹瑞嘅分享啦!

恒大 恒傳感言 SCOM Talk Show ep11: 羅永聰 Julian Law

「成長係一個認識自己過程,你要反覆問自己真正想做嘅係乜野,係咪仍然做緊一直渴望嘅事情,從而走出一條適合自己嘅路。」 恒大傳播學院 訪談節目《恒傳感言》邀請到公共事務及公關顧問羅永聰擔任嘉賓,大談政府公關工作同近年社交媒體 上以民粹主導嘅信息傳播現象。佢分享自己點樣一步一步達成夢想,成為記者。佢勉勵年輕人最緊要係搵一條自己鍾意嘅路,身邊任何事都可以係達成夢想 嘅契機,一齊嚟聽下佢嘅故事啦!

恒大 恒傳感言 SCOM Talk Show ep10: 陳智思 Bernard Charnwut CHAN

「當你遇到挑戰同困難嘅時候,唔好自怨自艾,嘗試學習點樣去接受同面對,你就會慢慢走出自己嘅路。」

恒大傳播學院 訪談節目《恒傳感言》載譽歸來!今集邀請到行政會議召集人陳智思擔任嘉賓,大談對近年香港嘅社會、經濟狀況同未來發展嘅睇法。佢深明 中港融合 帶來嘅問題引起社會對政府不滿,並寄語年輕人先把握 機會 了解內地市場,再決定將來嘅路向。與 罕見疾病 長期搏鬥令佢更珍惜現在,更勉勵年輕人勇於面對 逆境,走出屬於自己嘅路。一齊嚟睇下佢嘅分享啦!

恒大 恒傳感言 新一輯隆重推出

香港恒生大學傳播學院嘅《恒傳感言》自推出以來備受關注,恒大協理副校長(傳訊及公共事務) 及傳播學院院長曹虹教授與傳播學院趙應春教授兩位主持將會繼續邀請嚟自唔同界別嘅重量級嘉賓,透過佢哋嘅故事去啟發年輕人追求夢想。嘉賓包括鄭丹瑞、陳智思、Bernard Charnwut Chan、羅永聰、黃金寶、Vivek Mahbubani 等。最新一集將於2月24日下星期三推出,千祈唔好錯過
 
 
 
 
 

恒大恒傳感言 SCOM Talk Show ep9: 何順文校長 President Simon Ho

「作為大學校長就係要守護學術自由、學校自主,以及自由、人權、平等、公義等等呢啲普世價值 。我認為一所大學應該要支持呢啲價值,也要抵禦可能侵蝕呢啲價值嘅現象。」

恒大 傳播學院 訪談節目《恒傳感言》今季最後一集邀請到恒大校長 何順文教授壓軸出場,擔任嘉賓,分享佢嘅辦學理念同對年輕人嘅期望。佢喺節目入面憶述17歲時隻身赴英美留學嘅經歷,鼓勵年輕人放遠目光,唔好局限自己,尋找香港以外的發展機會。校長亦提醒學生喺追求自由時,必須合法同尊重別人,不可侵犯他人嘅自由,同時希望年輕人要好似竹咁,虛心學習,不斷成長,面對逆境都屹立不倒。一齊嚟聽下何校長嘅分享啦!

恒大 恒傳感言 SCOM Talk Show ep8: 林大輝博士 Dr Lam Tai Fai

「我認為首先內心唔好分『黃』『藍』,要易地而處,多包容同遷就,保持正向思維,先可以解決問題。」

#恒大 #傳播學院 訪談節目《恒傳感言》今集好榮幸可以邀請到 香港理工大學校董會主席及香港體育學院主席 #林大輝 博士擔任嘉賓,分享佢對香港體育發展、教育制度以及年輕人所面對嘅困境嘅睇法。講到點樣化解分歧與各界溝通,林大輝覺得應該以包容理解的心態易地而處,從唔同角度去分析事情,喺包容同遷就下搵出共通點,達成共識。快啲嚟聽下佢有咩想同年輕人分享啦!

恒大 恒傳感言 SCOM Talk Show ep7: 施永青 Shih Wing-ching

「我認為要求社會遷就你係好困難。你要調整自己嚟適應環境嘅改變。」

#恒大 #傳播學院 訪談節目《恒傳感言》今集好榮幸可以邀請到中原集團創辦人施永青先生擔任嘉賓,大談佢對教育、香港置業同前景嘅看法。講起教育,施永青認為唔可以過份遷就年輕人,反而年輕人要調整自己嚟適應環境改變,亦要把握每個機會,勇於嘗試。同時佢寄語年輕人唔好將置業視為人生唯一嘅目標,要放膽追求理想。一齊嚟聽下施永青嘅分享丫!

恒大 恒傳感言 SCOM Talk Show ep6: 林煥光 Lam Woon Kwong

「一生人唔可以永遠都做得對,當然會有做錯、走歪嘅時候。但你可以選擇一輩子做個好人。」

恒大 傳播學院 訪談節目《恒傳感言》今集好榮幸可以邀請到 前 #行政會議召集人 林煥光先生擔任嘉賓,分享佢40多年公僕生涯嘅難忘經歷,以及同年輕人嘅相處之道。佢喺節目入面提到最初加入政府時負責收地及遷拆荃灣寮屋區嘅故事,由最初遭居民謾罵同強烈反對,到最後成功尋找共識,寄語負責處理矛盾嘅人不應立場先行。佢亦提到同年輕人相處要主動溝通,易地而處,同時希望年輕人要抱持一顆 #良善嘅心。一齊聽下林煥光嘅故事丫!

恒大 恒傳感言 SCOM Talk Show ep5: 馬時亨教授 Professor Frederick Ma

「貧窮可以係向下沉淪嘅漩渦,亦可以係向上提升嘅動力,視乎你如何看待。我嘅人生遇過不少挫折,但我本著『永不言棄』呢個宗旨,一定要將事情做好,永不言棄。」

#恒大 #傳播學院 訪談節目《恒傳感言》最新一集邀請到香港教育大學 校董會主席 #馬時亨 教授擔任嘉賓。佢喺商界、政界、教育界曾擔任多個要職,近年更致力推動品格教育,比起知識傳授,佢認為下一代要具備咩元素先可以成為未來嘅領袖?佢年前曾徘徊生死邊緣,呢次經歷又為佢生命帶來乜野啟發?一齊聽下佢對年輕人嘅話語啦!

恒大 恒傳感言 SCOM Talk Show ep4: 余翠怡 Alison Yu

「面對人生嘅困難,最重要係認清自己嘅不足,然後再作改善。有一句說話我銘記於心,就係『先處理情緒,再處理事情』。」

#恒大 #傳播學院 訪談節目《恒傳感言》最新一集邀請到 #香港輪椅劍擊運動員 余翠怡擔任嘉賓,佢喺節目中分享同年輕人相處嘅心得,又大談多年運動員生涯嘅苦與樂,並以自身經歷勉勵年輕人唔好害怕面對挫折,勇敢從失敗中學習。即刻去片聽下佢感人嘅故事啦!

恒大 恒傳感言 SCOM Talk Show ep3: 沈祖堯教授 Professor Joseph Sung

「千祈唔好再講『一代不如一代』,應該係話『一代不同一代』,我地唔可以將當年所用嘅一把尺嚟量度今日嘅年輕人。」

#恒大 傳播學院 訪談節目《#恒傳感言》最新一集邀請到香港中文大學前校長、現任莫慶堯醫學講座教授 #沈祖堯 擔任嘉賓,佢提及唔少年輕人對前景感到悲觀,不過唔應該因為咁而放棄,要懷有廣闊嘅胸襟同視野,把握機會放眼世界,並呼籲社會多給予年輕人機會同扶持。

恒大 恒傳感言 SCOM Talk Show ep2: 莊偉茵 Quince Chong

「我相信只要你永遠抱住正面嘅心態、一顆願意學習同不斷提升嘅心,不會輸。最緊要係學會欣賞,心存感恩。」

#恒大 #傳播學院 訪談節目《恒傳感言》第二集邀請到中華電力有限公司企業發展總裁莊偉茵擔任嘉賓,分享以往處理危機的經驗。佢認為年輕人喺現今嘅互聯網世界盡顯創意,應該把握優勢,放眼世界,利用新思維帶動企業傳訊行業發展,只要抱住正面嘅心態,更加可以帶領香港創造新時代。一齊聽下佢嘅分享啦!

恒大 恒傳感言 SCOM Talk Show ep1: 梁卓偉教授 Professor Gabriel Leung

「香港年輕人擁有嘅優勢以及獨特之處係與生俱來,亦係其他地區朋輩夢寐以求,點樣好好利用同埋發揮已有嘅優勢,則取決於香港年輕嘅『#造夢者』。」 #恒大 #傳播學院全新訪談節目《恒傳感言》正式推出! 首集邀請到香港大學醫學院院長 #梁卓偉教授 當首集嘉賓,分享佢對現今年輕人向上流動感到困難嘅睇法,並勉勵年輕人把握自身優勢及大灣區發展機遇,為香港創造未來。即刻去片聽下梁教授嘅分享啦!

香港恒生大學傳播學院訪談節目《恒傳感言》隆重推出

#香港恒生大學 #傳播學院 將會推出全新 #訪談節目《恒傳感言》,由恒大協理副校長(傳訊及公共事務) 及傳播學院院長曹虹教授與傳播學院 #趙應春教授 聯合主持,每集會邀請一位來自唔同界別嘅知名人士,分享佢嘅成長經歷同人生故事,以啟發年輕人學習同想像,並以積極正面嘅心態勇敢面對未來嘅挑戰。應邀分享嘅嘉賓包括 #梁卓偉教授、#沈祖堯教授、#莊偉茵女士、#余翠怡女士 等。第一集將於10月28日 下星期三 隆重首播,唔好錯過啦!